تم تعطيل خاصيه الرسائل الخاصه

ممكن تعملها بعد 100 مشاركة وده يبقى حل كويس
او بعد 50 موضوع
وتبقى كده فاتحها بس مش عالبحري يا ريس

يا مان احنا لغيناها لان فيه ناس بتعمل اعلانات لمنتديات تانيه عن طريق الرسائل الخاصه
وكمان حصل كام مشكله بسببها لان فى شخصيات زباله بتدخل وتشتم الناس فى الرسايل برضو


بس ان شاء الله قريب هنرجعها تاااانى

قول انت بس يارب

هى وحشة وجلوة
يعنى مفيش حاجة تبقى زيها
يعنى
عا لعموم كل انسان وليه وجه نظر

ياريت ترجعها تانى

فى اسرع وقت

ربنا يوفقكم ويقدم الفيه الخير

السلام عليكم
بالنسبه للرسائل الخاصه مش حباها خالص
لان لو هنتكلم فى المنتديات المفروض اننا بنتكلم كلام عام ميجرحش وميضايقش حد وميكنش فى تعارف زياده عن اللزم امال احنا ليه بندخل باسماء مختلفه
وخاصه لما يكون فى حوار بين شاب وفتاه المفروض ان ميكنش فى حاجه على الخاص
او شاب وشاب او فتاه وفتاه
هيتكلموا على الخاص ليه الا اذا كان هيقول حاجه فيها احراج
والله فى خاصيه فى احد المنتديات المشتركه بها وهى خاصيه رسائل الزوار
كل واحد له ركن خاص لرسائل الزوار والرسائل دى متاحه ان يراها الجميع
وهى لا تسمح بتعدى الخطوط الحمراء
الواجب توافرها فى اى منتدى محترم
بالنسبه للخاصيه دى انا مش عارفه اذا كانت موجوده ولا لا هنا فى المنتدى
واظن انها حل وسط للمشاكل ومن خلالها يكمن مطالبه العضو بحذف مشاركته
انا مكتوب هنا ادام الراسائل 19 رساله وكل ما ادخل يقول الرسائل الخاصه مغلقه ؟؟
لانى كنت بعتقد انا زى خاصيه رسائل الزوار
فكيف يرسلون الرسائل والخاصيه مغلقه
ارجو التوضيح ؟؟؟؟؟
عذرا على الاطاله

اولا شكرا يا قمر على المتابعه

ثانيا بقى بالنسبه لعدد الرسايل دى المقصود بيها عدد المواضيع والمساهمات بتاعتك فى المنتدى

مش الرسايل اللى حد بعتهالك

))

اممممممم
اولا شكرا على سرعه الاستجابه
ثانيا امال ايه النقاط دى
ومعلش سؤال سريع صغير مش عارفه اساله هنا ولا فين
المهم
هل يوجد خاصيه لتقييم الموضوع هنا
ولا مش موجوده ؟؟؟؟؟
جزاكم الله خيرا

أوووك يا مان

اللى الإدارة شايفاه صح و يفيد الأعضاء تتوكل على الله و تعمله

جزاكم الله كل خير

انا عضو جديد لسه هنا
بس انا شايف ان مش لازم ان احنا نمنع الرسايل الخاصه مهما كان الاسباب
الاسباب الى انتا قولت عليها دى طبيعيه ممكن تحصل فى المنتدى حتا على اسا موضوع او يحط اعلان فى التوقيع
بالنسبه للناس الى هى بتشتم وترخم او بتحب تترسم وعاوزه تعمل تعارف لبنت فى المنتدى
ويقولها انا معجب بردودك والكلام والحورات الفاضيه دى
فيه حاجه اسمها شكوى المفروض ان احنا نشتيكها والاداره تبعت انذار للعضو لو العضو مش استجاب بيتحذف لمده 10 ايام
لو حصل تصرف منه تانى بعد ال10 دول بيتحذف نهائيا
يا ريت اكون قدرت اصلكوا وجهه نظرى