انت الادمن لمده اسبوع

ان يتعمل كرسي الاعتراف مطور علي الاخر يبقي له قسم لوحده يعني

اولا مرسي ليك يا واما على الاقتراح الجامد ده

انا بقى اول حاجه ممكن اعملها انى اضع حمله على المنتدى وتبقى جديده او اشارك فى حمله
ويبقى لها منتدى خاص على المنتدى زى حمله نصره فلسطين والكل لازم يشارك ولو بالكلام

ثانيا انا زعلت لما اتحزف الجزء الخاص برمضان
هوا رمضان قليل اننا نكتب فيه طول السنه ولا هوا حقه شهر مش مهم نكتب عن رمضان بس فيه شهور عظيمه تانيه

ثالثا فيه مواضيع كتير مكرره ومش تتحذف

رابعا لازم يبقى فيه عبارات شكر خاصه بالمنتدى لاعضائه

وحاجات تانيه كتيييييييييييير لكن هما دول اللى هامين الوقتى ويكفو لاسبوعين

السلام عليكم........
بدايه : الموضوع حيوى جداااا
انا من رأيى من حيث الشكل
1- تتغير الوان المنتدو وشكله
انا بحس باكتئاب وانا دخله المنتدى
2- يتم ترتيب الاقسام من الاول لو ينفع
يعنى الاقسام الخاصه بالكليه تبقى موجوده قبل قسم المشكلات

ويااااااااااااااريت يبقى فيه حاجه جديدة دايما
تخلينا نتفاعل اكتر

وكمان قسم للافكار والافتكاسات الجديده

ولوياريت يمنع وضع افلام الاثارة...زى دكان شحاته

جعلونى ( ادمنا )
ههههههههههه
فكرة جميلة
1/ نفسى تكون الالوان مزهزهة زى اميرة ما قالت....
2/ نفسى نحط موضوع او منتدى خاص بصور الكلية وكل الاصحاب اللى متصورين مع بعض علشان نكون اسرة مع بعضينا...

3/ لازم نحط منتدى لاحدث الاختراعات العلمية ويكون للموضوعات العلمية البحتة وشرح النظريات العلمية اللى تهمنا زى النظرية النسبية الحديثة حسسونى ولو لمرة اننا مش كلية نظرية ...

4/المنتدى العام ومنتدى يلا اداب المفروض يكونوا منتدى واحد لانهم مواضيعهم تهم الكل ويكون اسمه المنتدى العام.......

وانا بقى لما خلفاوى يعمل المذبحة هنط بالحصان من على اسوار القلعة

التوبيك جميل جدا يا واما



و أنا بشجع فكرة روح على التصويت لإختيار المشرفين



و بأيد برضه فكرة وايت إنها زعلت علشان منتدى رمضان إتشال ... و بصراحه أنا كمان زعلت



أما بالنسبة لـ أميرة ... مع إحترامى طبعا لرأيها ... المنتدى ألوانه جميله جدا و شبابى أوى ... و أولا و أخيرا المنتدى مش بلونه و لا بحجمه ... المنتدى بترابط أعضاءه كأسرة واحدة ... و دا طبعا مع إحترامى لرأيك يا أميرة



أما بالنسبة للأفلام فـ، هى دى الأفلام اللى البلد ( مصر ) منزلاها يعنى مش إحنا اللى عاملنها ... ههههههههه ... و طبعا إحنا كبار و بنقدر ... فلو مش عاوزين الفيلم دا أو شايفين إنه مش مناسب فبالتالى مش هانحمله ... و الفيلم لو فى حاجه بيبقى مكتوب فى التوبيك عبارات تدل على كدا ... مثلا ( للكبار فقط _ + 18 - ... و هكذا ) ... و دا طبعا للمرة الثالثة مع إحترامى لرأيك يا أميرة



... و أنا رأيى من رأى روح من حيث طريقة إختيار المشرفين وبشجعهااااااااااا جداااااااااااااا



أما بالنسبة لـ سليمان ... الموضوعات العلمية ممكن تحطها فى منتدى يالا آداب علشان دى تهم آداب كلها بكل تخصصاتها حتى لو هاتفيدهم و لو بشكل بسيط ... أما المنتدى العام دا حاجه و يالا آداب دا حاجه تانية خالص يا مان ... العام دا ... حوارات عامة و مواضيع عامة تهمنا كلنا و تفيدنا كلنا ... أما يالا آداب فـ بيفيد آداب بس و طلبة آداب و المواضيع اللى فيه مخصصه أو موجهه خاصة لطلبة آداب بصفة خاصة و جامعة المنصورة بصفة عامة



... و أبقى إركب الحصان بقى و أنا هافكلك السرج من تحته ... و أنت عارف كلمتى واحدة ... ههههههههههه



و بيس يااااااااا مااااااااان



... و ميرسى يا واما مرة تانية على التوبيك الجميل دا

و بقترح نعمل أوسمة

... وسام العضو المميز / المشرف المميز / الإدارى المميز / صاحب القلم المميز / صاحب المرور المميز ... و هكذا

... و دا يبقى تشجيع للأعضاء

... و ميرسى مرة تانية على التوبيك يا واااااما

طبعا اكيد يا ماتريكس دى حريه رأى
وانا عمرى ما ازعل من رأى حد حتى لو مخالف لرأيى طالما فى احترااام فى تبادل الاراء.
وبالنسبه للالوان وحجمه وشكله فدى حاجات عاديه يعنى ممكن تتغير وتعجبنى بس متعجبش حد تانى
المهم فعلا المضمون بس برده انا نفسى الالوان تتغير .

وبالنسبه للافلام انا والله بقول كده خوف واحترام للمنتدى ولاعضاءه لانى مش عايزة ربنا يكون غضبان علينا
بس فى الاول وفى الاخر دى حريه شخصيه.

وانا بأيد فكره الاوسمه دى جداااااااا


وميرسى يا واما مرة تانيه......تقبلوا مرورى.

ميرسى ليك ياواما على التوبيك والفكره الحلوة دى
انا كمان معاكو فى موضوع اختيار المشرفين وعجبتنى اوووى
وزى وايت وماتريكس برضو زعلت اوووى عشان قسم رمضان
وبايد برضو فكره ماتريكس بالنسبة للاوسمة
اما الوان المنتدى فحلوة كده والله وبحس انها مميزة

بالنسبة ليا انا فانا نفسى نهتم بالقسم الاسلامى شويه كمان
يعنى نعمل اقسام فرعيه فيه
زى قسم للفتاوى
وقسم للرسول صلى الله عليه وسلم
وقسم للشخصيات المهمة زى الصحابة والخلفاء الراشدين والسلف الصالح يعنى

وكمان القسم العام
اعمل فيه قسم خاص للاخبار واسميه حول العالم :)

وبالنسبة لنمط الكتابة وكده
فانانفسى نزود الالوان كماان يعنى كل الالوان تكون موجوده

وميرسى ليك تاانى ياواما على التوبيك

شكرا ليكو بجد والله يا جماعه ع الاهتمام دا

انا مش هعلق على راى اى حد فيكم دلوقتى


الموضوع هيبقى مفتوح لمده اسبوعين


وبعد كدا انا هرد عليكو بالنتيجه والحاجات التى هتتنفذ من ارائكم


وشكراااااااااااااا

يا واما فات أكتر من إسبوع و ماقولتش يا مان أيه الأفكار اللى هاتتنفذ ؟؟؟

ماشى يا عم ماتريكس


هقولكو ع الافكار اللى هتتنفذ بس

يالا نبدأ

- قسم لكرسى الاعتراف بس هيكون ليه اسم تانى

- اوسمه للاعضاء والمشرفين زى ما ماتريكس قال او عبارات شكر زى ما قالت وايت روز
دى هتتعمل بس قدااااااام شويا

- طبعا الوان المنتدى اتغيرررررت فالاقتراح دا يعتبر اتنفذ

- وفيه اقتراح اكتر من حد قال عليه اللى هوا ترشيح المشرفين .. لانا انا مش معاكو فى دى

اللى عايز اشراف على اى قسم يا جماعه يقول عليه لكن مش هاجى اقولك لعضو والله انت بقيت مشرف

طب ممكن يكون ميعرفش اى حاجه عن الاشراف ولا عايز يكون مشرف اصلا

فانا راييى بعد اذنكو ان اللى عايز اشراف على اى قسم يكتب طلب فى قسم الاشراف واحنا كلنا اخوات


- قسم للاخبار المحليه والعالميه


ولو عايزين اقولكو ع الافكار اللى متنفذتش ليه عرفونى بده

فكرة التوبيك رائع يا واما
انا عندى افكار ف بالى بس بتهيالى اكيد فيه نويولك اجمد من كدا بكتير
ولو فكرتو حبة
هتعملوا احسن شغل
يعنى لون فرح وكمان معاه شوية خلفيات كدا
وبالتوفيق